بني صهيون و عصابتهن مرتين دمّرو فيها
دمّروا الحجر و الشّجر وكل شي بيحرك فيها
بس العزّة و الكرامة ما كان فيهُن يقدروا عليها
************
بأوّل حرب دمّروا و جزّروا و هجّروا أهاليها
حتى سقوف البيوت تهبّطت و الحديد ما خلّو فيها
رجعنا سوى بإيماننا و عزمنا بـِـنينا
بيوت و فلل و قصور و عمّرنا أدّ ما فينا
تصارت الخيام عروسة العرسان و نجمة تضوّي سما ليالينا
****
و بعد ما كنّا الخراب و الدمار و التهجير نسينا
و تحرير بشرف و تضحية المقاومة جابتو لينا
إسرائيل رجعت عن جديد و شنّت حرب تموز علينا
****
حرب تموز حرب تموز تشهد عالظلم اللي لحق فينا
كنيسة و جامع و معهد شهود على كُفر قاصفينا
و مستشفى بناها الفرنسي
المتحف ، اللي ما كان صارلو زمن مفتتحينا
شاهد إضافي عا بُغض ، و كره بيملا قلوب عدويينا
****
لولا مقاوم بطل و خيامي شريف ودعوات و صمود مظلومينا
كنا رجعنا لزمن "لحد - حدّاد" يلّي عمايلهم بعد ما نسينا
************
واللي هدم مرتين داري مش بعيد عن جديد يهدم شو بـِنينا
سَوى بنعود الحجر و البيت نبني بس الأهم وحدة و مقاومة نبنيها
رب السما أكبر و أجبر ، رح يرجّع حقوق هنّي مغتصبينا
